Gobierno Vasco

      

2018/12/18
Al As Az Og Or Lr Ig
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
2018/12/18 egungo gertakariak
Egun honetan ez dago gertakaririk.
0 emaitzak erakustea

        

          

Sartu

INGURUMENA ZAINDUZ, ELKARLANEAN!

A-21etik, abenduaren 5ean, zaborraren gehiegikeriaren kontzientzia lantzeko asmoz, ikastolako patioko eta honen inguruko zaborra jasotzeko lanetan aritu dira eko-ordezkariak. Jasotako zabor guztiaren emaitza 2.900kg-koa izan da. Zaborra eskolako 'Txoko Berdean' ikusgai egon da aste batez.

 

 

 

 

 

 

EUSKARALDIA eta EUSKARA EGUNA

Azpeitiko Ikastola Karmelo Etxegaraiko kideek bat EUSKARALDIAREKIN. Ikusi bideoa.


EUSKARA EGUNA. Ikusi argazki albuma.


Uztarria_Euskaraldia Azpeitian.

 

BERRITZEGUNEETATIK-IKASTOLARAKO BISITA


Egia da gure Ikastola azkenaldi honetan, berrikuntza metodologiko eta pedagogikoan buru-belarri ari dela. Hezkuntza komunitateari eta herriari eskaini nahi dien hezkuntza-eredua hobetu nahian, irakasleria guztiak, elkarrekin, bat eginik, aipatu aldaketa gauzatzen dihardu bi etapetan, ziklo, maila eta gela guztietan.

 

XXI. mendeko mundu eta gizarterako egokitu nahian urrats esanguratsuak, eraginkorrak eta egokiak eman ditugulakoan gaude. Lan handia eta ona egin dugu. Asko egin dugu, baina oraindik  egiteko ere badugu.

Gure Ikastolak egiten ari den aldaketa pedagogikoa eta metodologikoa handia eta nabarmena da. Hezkuntza-eredu berria eraikitzen ari gara  eta horren berri zabaltzen ari da gure ingurunean, Gipuzkoan eta erkidego osoan. Zabaltze horrekin, berriz, gero eta ikastetxe gehiago ditugu guri begira, gu bisitatzen eta gure aldaketan oso interesatuak.

Gure Ikastola garatzen ari den berrikuntza pedagogikoak sustatu duen interesa handia da, bai. Hain handia da Berritzegune Nagusiko zuzendaria, erkidego mailakoa Lehen Hezkuntzako eta Haur Hezkuntzako aholkulariak, Gasteiz eta Lasarteko Berritzeguneetako aholkulariak gurean izan ditugula. Berrikuntzako arduradunek Ikastolako zuzendaria Camino Saiz, Mikel Olaizola kontsultorearen, Lehen Zikloko berrikuntza erakutsi eta zabaltzeko ardura duen Irune Gurrutxaga eta Lehen Zikloko Idoia Agirre koordinatzailearen eskutik,  Lehen Hezkuntzako aldaketa metodologikoa zertan datzan ezagutu eta ikusi dute.

Ikastolan ematen ari garen aldaketa metodologikoa eta pedagogikoa zuzenean ezagutu asmoz gerturatu dira guregana. Guk aldaketa horren prozesua nola hasi genuen, izandako  zailtasunak, emandako urratsak, erabilitako metodoa,  momentu honetan nola aurkitzen garen, zer ari garen egiten eta aurrerantzean zer egiteko asmoa dugun azaldu diegu.

Jakin eta ikusi dutena  berria eta oso interesgarria dela aipatu digute. Oso ondo baloratu dute eta horregatik prozesu honetan beraien babesa aholkularitza eta laguntza ere izango ditugula adierazi digute.
Ikastolak bizi duen aldaketa-uneak eta emandako urratsek zer balorazio ona izan duten ikusita, asko poztu gara. Harro sentitu gara. Harro gaude eta harro izateko motiboak baditugula deritzogu. Horregatik, pausoz pauso ametsetako ikastolaren bidean aurrera egiten jarraituko dugu.
Une zoriontsu hauetan, zorionak eta eskerrak guztioi, jakina baita lortzen ari garena guztion arteko lankidetzari esker lortzen ari garela eta.

 


 

Karmelo Etxegarai Ikastolak azken ikasturteetan gauzatzen ari den konpetentzietan oinarritutako metodologikoarekin bat egiten duen Hizkunten Trataera Bateratuaren inguruko formazioa jasotzen ari gara. Dagoeneko, Lehen Hezkuntzako irakasleek Zarauzko Berritzeguneko aholkularien eskutik lehen saioa burutu dugu. Bertan, Hizkuntzen Trataera Integratua eta Hizkuntzen Tratara Integralaren inguruko printzipioak, teoriak eta  marko konpetentzialen berri izan dugu. Horien ondoan, Ikastolaren Hezkuntza Proiektua aztertzen hasi gara, gure ikasleentzat hezkuntza-eskaintza hobetzeko eta eguneratzeko. Beti bezala! Gure hezkuntza komunitatearen mesedetan aurrerapausoak ematen!

irakurri gehiago




JolasMATIKA Karmelo Etxegarai Ikastolan

 

JolasMATIKA proiektua karmelo Etxegarai Ikastolan izango dugu aurtengo ikasturtean.


UPV/EHUko Informatika fakultateak, Urola Ikastola BHIk eta Karmelo Etxegarai ikastolak lankidetzan JolasMATIKA, jolasen bidez informatika modu zientifikoan garatzeko, proiektua  martxan jarriko dugu aurtengo ikasturtean

JolasMATIKA egitasmoan, Informatika Ingeniaritza Graduko (IIG) ikasleek informatika lantzeko materiala sortuko dute eta  DBH4n  eman beharreko saioak prestatuko dituzte. Saio horiek gauzatzen direnean, DBH4ko ikasleek saio horietan landutako eduki eta materialarekin LH6an eman beharreko eskolak prestatuko dituzte eta gero LH6ko ikasleengana etorriko dira informatikako kontzeptu horiek lantzera.

Egitasmo honen lehen bi pilotuak dagoeneko egin dira Tolosako Orixe eta Samaniego ikastetxe publikoetan.


JolasMATIKA proiektuak, informatika arloaren ikuspuntu zientifikoa zabaltzea du helburu nagusia. Horretarako, honako unitate didaktikoak landuko ditugu: zenbakikuntza bitarra, konputagailuen egitura, algoritmika eta programazioa. Hau guztia, UPV/EHUko Informatikako irakaslea eta ikertzailea den Edurne Larraza Mendiluzeren eta bere zuzendaritzapean diharduen taldearen eskutik la
nduko dugu.

 

ikusi QR bideoa

    
ARGAZKIAK 2018-19      
 BIDEOAK  2018-19

 

 

 

 

 

 

 

© Azpeitiko Ikastola Karmelo Etxegarai
Telefonoa: 943812697 | Telefonoa: 943812091 | 012320aa@hezkuntza.net